Мы используем файлы cookie, чтобы улучшать качество взаимодействия пользователей с нашим сайтом и персонализировать его содержимое. Продолжая использовать наш веб-сайт без изменения настроек, Вы соглашаетесь на использование нами файлов cookie. С дополнительными сведениями о том, как мы используем файлы cookie, можно ознакомиться здесь.

Закрыть

Экскурсия

Отчеты

Качество воздуха

Карта сайта

Политика Cookie

ERG Corporate ERG Africa ERG Brazil Портал продаж

24 Июля 2025

aikyn.kz 24.07.25 – Ақтөбелік металлургтер мюзикл қаһармандарына айналды

Ақтөбеде ерекше мәдени оқиға - «Құрыш білек» мюзиклінің премьерасы өтті. Бұл қойылым Eurasian Resources Group (ERG) құрамына кіретін «Қазхром» ТҰҚ АҚ-ның 30 жылдығына және Жұмысшы мамандықтары жылына арналды. Спектакль компания мен Ғазиза Жұбанова атындағы Ақтөбе облыстық филармониясының шығармашылығы нәтижесінде дүниеге келді.

Бұл жобаны ерекшелігі – оның орындаушылары. Басты рөлдерді кәсіпқой актерлер емес, зауыт қызметкерлері – металлургтер, кран машинистері, слесарь, дәнекерлеушілер мен электриктер сомдады. Бұл жандар металл ғана емес, өнер де жасай алатындарын дәлелдеді.

- Кезекшіліктен соң үйге емес, бірден репетицияға баратынмын. Әрине, шаршадым, бірақ үлкен жауапкершілік сезіндім. Жұмысшылар да өнер көрсете алатынын дәлелдегім келді. Мюзиклде біз атқаратын еңбектің қуатын жеткізуге тырыстым, – дейді №4 балқыту цехының шихта беру машинасының машинисі Шымболат Қайратұлы.

Мюзикл металлургтердің жасырын талантын ашып қана қоймай, көрермендердің жүрегіне де жол тапты. Спектакльдің жүрегінде – еңбек жолы, достық, сүйіспеншілік және ұжымдық бірлік жатыр.

№2 балқыту цехының металл есебін жүргізетін технигі Дана Иса үшін бұл қойылым – балалық арманның орындалуы болды:

- Мен алғаш рет сахнаға шықтым, бірден басты рөлде. Бұл – ғажап сезім! Өзіме сенуге мүмкіндік берген Қазхромға алғысым шексіз. Бұл менің өмірімді өзгертті, – дейді ол.

Ал балқытушы Дастан Қазбек сахнада өзін емес, өзінің қарама-қайшы кейіпкерін ойнағанын айтады. Бұл рөл оған жұмысқа деген махаббаттың арқасында оңай берілген:

- Мен өз ісімді жақсы көремін және мақтан тұтамын. Сол себепті кейіпкердің бейнесіне ену маған жеңіл болды, – дейді ол.

Қойылымның ерекше бөлігі – барлық әндердің қатысушылардың өз дауыстарымен орындалуы. Бұл спектакльге шыншыл атмосфера сыйлап, зауыт өмірінің рухын көрерменге жеткізді.

- Біз өз күнделікті өмірімізді көрсеттік: еңбек, махаббат, достық. Біздің зауытта отбасылар да осында құрылып жатады. Спектакльдің басты ойы – қауіпсіздік техникасын сақтау. Бұл – бәріміздің ортақ үндеуіміз, – дейді кран машинисі Айман Құттымұратова.

«Құрыш білек» мюзиклі – еңбек адамдарына деген құрмет пен мойындаудың символына айналды. Ол еңбек майталмандары тек цехта ғана емес, сахнада да қаһарман бола алатынын дәлелдеді.

Дереккөз