Мы используем файлы cookie, чтобы улучшать качество взаимодействия пользователей с нашим сайтом и персонализировать его содержимое. Продолжая использовать наш веб-сайт без изменения настроек, Вы соглашаетесь на использование нами файлов cookie. С дополнительными сведениями о том, как мы используем файлы cookie, можно ознакомиться здесь.

Закрыть

Экскурсия

Есептер

Ауа сапасы

Сайт картасы

Cookie саясаты

ERG Corporate ERG Africa ERG Brazil Сатылым порталы

31 Наурыз 2025

ERG жасанды интеллектті өндірісте қалай қолданып жатыр?

ERG компаниясының Қазақстандағы бас директоры Серік Шахажанов пен оның цифрландыру және IT жөніндегі орынбасары Еркен Шназбаев AlmatyFair.ai көрмесінде Қазақстан мен Өзбекстан президенттеріне өндірісте жасанды интеллектті қолданудың негізгі шешімдерін таныстырды.

– Өткен жылдың тамыз айында «Восточный» кенішінде Қазақстанда алғаш рет жүргізушісіз ауыр жүк көліктері іске қосылды. Оларды басқаруға арналған жаңа мамандық – автономды самосвал операторы енгізілді, – деді Серік Шахажанов. – Роботтандырылған техниканы бар болғаны екі маман басқарады: жүргізуші-оператор үш машинаның қозғалыс жылдамдығы мен бағытын қадағалап, қауіпсіз маневрлерді қамтамасыз етеді. Ал, сервис инженері техниканың жұмысын бақылап, маршруттарды түзеп, жүк тиеу және түсіру алаңдарын жаңартып отырады.

Жасанды интеллект негізінде басқарылатын бұл ауыр жік көлігі қазірдің өзінде 2 миллион тоннадан астам жүк тасымалдап, 17 мың рейс орындады, бұл – 68 мың шақырым жол.

Көрмедегі Kcell компаниясының стендінде 5G технологиясының жүргізушісіз ауыр жүк көлігінің тұрақты әрі тиімді жұмысын қалай қамтамасыз ететіні таныстырылды.

Сонымен қатар, ERG-дің негізгі цифрлық жобалары – qollab және MES жүйелерін Еркен Шназбаев таныстырды.

MES – өндірісті басқарудың интеллектуалды жүйесі. Ол өндіріс процестерін нақты уақыт режимінде қадағалап, жедел шешім қабылдауға мүмкіндік береді. Жүйенің негізгі элементтерінің бірі – MES Alina виртуалды көмекшісі. Ол қызметкерлерге қажетті ақпаратты тез тауып, есептер түзуге септеседі.

qollab – ERG-дің бірыңғай корпоративтік платформасы. Онда қызметкерлерге арналған әлеуметтік желі, жұмыс процестерін басқару құралдары мен жеке кабинеттер біріктірілген. Бүгінде платформаны 60 мыңнан астам қызметкер тұрақты қолданады. Жуырда жүйе серіктестер мен мердігерлер үшін де қолжетімді болды.