Мы используем файлы cookie, чтобы улучшать качество взаимодействия пользователей с нашим сайтом и персонализировать его содержимое. Продолжая использовать наш веб-сайт без изменения настроек, Вы соглашаетесь на использование нами файлов cookie. С дополнительными сведениями о том, как мы используем файлы cookie, можно ознакомиться здесь.

Закрыть

Экскурсия

Есептер

Ауа сапасы

Сайт картасы

Cookie саясаты

ERG Corporate ERG Africa ERG Brazil Сатылым порталы

Eurasian Resources Group Павлодар қаласының ауруханаларына жаңа жабдықтар тарту етті

Eurasian Resources Group (ERG) түрлі бағыттағы 3 облыстық клиникаға жаңа құралдар сатып алуға қаражат бөлді. Жабдықтардың жалпы құны – 175,3 миллион теңге. Қомақты қаражат ERG мен Павлодар облысының әкімдігі арасында жасалған әлеуметтік маңызды жобаларды іске асырудағы әріптестік туралы меморандум аясында қарастырылған.

Компания Ғ.Сұлтанов атындағы Павлодар облыстық ауруханасына жаңа жабдықтарды тарту етті. Мұнда құны 104,2 млн теңгелік теңдессіз Cyber TM 150 лазері жеткізілген. Бұл урология, жалпы және торакальді хирургия саласындағы оталардың тиімділігін арттыруға сеп. Қазақстанда мұндай ерекше жабдықтың небары 2 данасы ғана барын айта кеткен жөн. Соның бірі енді Павлодарда. Мәскеудегі Боткин ауруханасының жетекші эндоурологы Павлодар облысының дәрігерлеріне жоғарытехнологиялық жабдықты қолдануды үйретеді.

Меморандум аясында Павлодардағы жедел жәрдем станциясына TI 500 Globe-trotter атты тасымал инкубаторы сатып алынған. 44,8 млн теңгелік жабдық уақытынан ерте туған шақалақтардың жанын сақтап қалуға, оларды медициналық мекемелер арасына тасымалдауға қажет.

Павлодар облысының кардиология орталығына CU 100W и 300W сериялы 2 чиллер сатып алынған. Бұл ауаны желдетіп, қажет болған жағдайда, салқындататын құрал. Қос жабдықтың жалпы құны – 26,3 миллион теңге.

Жабдықтарды ERG атынан «Қазақстан алюминийі» АҚ персонал мен мәдениет жөнідегі директоры  Александр Носов табыс еті. Одан бөлек, ERG компаниясы аймақтағы медициналық қызмет сапасын жақсарту үшін медицина саласы мамандарының кәсіби біліктілігін арттыру бастамалары мен бағдарламаларын да тұрақты қолдап келеді.

Еуразиялық Топ денсаулық сақтау саласын қолдауды өз қызметінің басым бағыттарының бірі ретінде айқындаған.

– Біз әрдайым қазақстандықтардың өмір сүру сапасын жақсартуға нақты іспен үлес қосуға талпынамыз. Әр адамға көрсетілер медициналық көмектің сапасы қаншалықты маңызды екенін жете түсініп, медицинақ инфрақұрылымын жаңартуға септесіп келеміз. Топ биыл бұл мақсаттарға 300 миллион теңгеге жуық қаражат бөлді. Бұл тек біздің қызметкерлеріміз ғана емес, жалпы Қазақстан азаматтарының денсаулығын жақсартуға талпыныс,- деді Eurasian Resources Group-тің Қазақстандағы Бас директоры Серік Шахажанов.

ERG қызметін бастағалы бері Қазақстанның әлеуметтік-экономикалық дамуына сүбелі үлес қосып келеді. ERG-дің кәсіпорындары орналасқан өңірлерге құйған әлеуметтік инвестицияларының жалпы көлемі – 310 млрд теңгеге жуықтады. Жергілікті жерлердегі әкімдіктер мен ERG арасында жыл сайын жасалатын әлеуметтік маңызды жобаларды іске асырудағы өзара серіктестік туралы меморандумдардың жалпы сомасы бүгінде – 95  млрд теңгеден асып жығылды.