Мы используем файлы cookie, чтобы улучшать качество взаимодействия пользователей с нашим сайтом и персонализировать его содержимое. Продолжая использовать наш веб-сайт без изменения настроек, Вы соглашаетесь на использование нами файлов cookie. С дополнительными сведениями о том, как мы используем файлы cookie, можно ознакомиться здесь.

Закрыть

Экскурсия

Есептер

Ауа сапасы

Сайт картасы

Cookie саясаты

ERG Corporate ERG Africa ERG Brazil Сатылым порталы

27 Наурыз 2025

Премьер-Министр Павлодар түсті металлургия жоғары колледжіндегі жаңа құзірет орталығының жұмысымен танысты

Павлодар облысына сапарлап келген Қазақстан Республикасының Премьер-Министрі Олжас Бектенов мұндағы түсті металлургия жоғары колледжіндегі жаңа құзірет орталығының жұмысымен танысты. Инновациялы алаңды Eurasian Resources Group (ERG) қаржыландырған.

Колледждердегі құзірет орталықтары – тау-кен металлургия өнеркәсібі саласына жоғары білікті мамандар даярлаудың инновациялы алаңдары. Олардың негізгі міндеті – оқытудың теория мен тәжірибені қабыстырған, соңғы үлгідегі цифрлық технологияларды, соның ішінде VR құралдарды пайдалану әдістері кіріктірілген жаңаша үлгісін қамтамасыз ету.

Бұл құзірет орталығында мәрмар, қиыршщық тас пен бор, шлактар мен керамзит сынды қатты материалдарды үгітуге арналған қондырғы – зертханалық шарлы диірмен орнатылған. Одан бөлек,  алуан түрлі зерттеу жұмыстарын іске асыру барысында түрлі үлгілерді ұсатуға қолданылатын – зертханалық дірілжақты ұсатқыш та осында бар.

Жаңа жабдықтар өңірдегі металлургия саласына, атап айтқанда ERG құрамындағы «Қазақстан алюминийі» АҚ Павлодар алюминий зауытына даярланатын мамандардың біліктілігін арттыруға сеп. 1968 жылдан бері колледж түлектерінің басым бөлігі аталған кәсіпорынға жұмысқа орналасып келеді. Түсті металлургия жоғары колледжінің жарқын түлектерінің бірі – Нұртас Балмағамбет. Бүгінде ол Топ кәсіпорындарында еңбек етіп, Халықаралық кәсіби шеберлік байқауында жүлделі 2 орынды еншілеген. 5 разрядты темір жонушы ERG құрамындағы «ERG Service» ЖШС Павлодар машина жасау зауытының құю-механикалық цехында еңбек етіп жүр.

ERG компаниясы тек өндірісті дамытумен шектелмей, Қазақстандағы техникалық және кәсіби білім беру саласын ілгерілету ісіне септесіп, халықаралық стандарттарға сай жұмыс мамандарын даярлауға үлес қосып келеді. Бұл «Жұмысшы мамандықтар» жылы аясында тіптен өзекті.

- Тау-кен металлургия саласындағы қауіпсіздік – әлемдік деңгейдегі маңызды трендтердің бірі. Бізге қауіпсіздік барынша жоғары деңгейде сақталатын, тәжірибеге бағдарланған білім беру маңызды. Сондықтан біз қауіпсіз жерде қала отырып, жұмыс процестерін терең түсінуге сеп болатын виртуалды технологияларды пайдалану, біздің өндірісте ерекше сұранысқа ие жаңа құзіреттерді меңгеруге айрықша көңіл бөлеміз,- деді ERG-дің Қазақстандағы бас директорының персонал және мәдениет жөніндегі орынбасары Анастасия Круч.

Мұндай құзірет орталықтары «ERG мен колледждер альянсы» бастамасы аясында ашылып отыр. Бүгінде бұл альянсқа Топ кәсіпорындары орналасқан өңірлердегі  23 колледж бен 3 жоғарғы оқу орны мүше. Біз тек өткен, 2024 жылы колледждерді жабдықтауға 600 млн теңгеден астам қаражат бағыттадық. Одан бөлек, студенттер Қытай мен Германияға тағылымдамаға жолданды.   2024 жылы колледждердің 737 түлегі біздің ұжымның қатарына қосылды.

ERG қызметін бастағалы бергі Қазақстанның әлеуметтік-экономикалық дамуына сүбелі үлес қосып келеді. Қазіргі таңда ERG-дің Топ кәсіпорындары орналасқан өңірлердің әлеуметтік саласын дамытуға құйған инвестицияларының көлемі 400 млрд теңгеге жуықтады.