Мы используем файлы cookie, чтобы улучшать качество взаимодействия пользователей с нашим сайтом и персонализировать его содержимое. Продолжая использовать наш веб-сайт без изменения настроек, Вы соглашаетесь на использование нами файлов cookie. С дополнительными сведениями о том, как мы используем файлы cookie, можно ознакомиться здесь.

Закрыть

Экскурсия

Есептер

Ауа сапасы

Сайт картасы

Cookie саясаты

ERG Corporate ERG Africa ERG Brazil Сатылым порталы

05 Мамыр 2025

«Шұбаркөл көмір» АҚ 40 жылдық мерейтой қарсаңындағы рекорд

Сәуір айында «Шұбаркөл көмір» АҚ кеншілері тарихи межеден асып – алыс шетелдерге 728 мың тонна көмір жөнелтті. Бұл – тау-кен көлік, теміржол және тау-кен цехтарының бірлесе атқарған жұмысының нәтижесі.

Сәуір айында тағы бір рекорд тіркелді – №30 Hitachi EX-3600 экскаваторының экипаж машинистері: Берік Медиев, Владимир Бриницкий, Айдын Алтынбеков, Михаил Доценко және машинист көмекшілері Аяз Исаев, Жұбаныш Әбжанов, Санат Бақов, Азамат Өкенов бір ай ішінде 750 мың текше метр аршылым жыныстарын тиеді.

 – Бұл рекордты біз арнайы «Шұбаркөл көмір» АҚ 40 жылдық мерей тойына орай жетуге ұмтылдық, - деді 12 жылдық еңбек өтілі бар экскаватор машинисі Берік Медиев. – Табысты жұмыстың формуласы – қауіпсіздік пен тиімділікке бағытталған ұйымшыл команда. Біздің ұжым өте тату және берік. Мен әрқашан әріптестеріме сенемін: олар қиын сәтте қолдау көрсетіп, жетістіктерімізге бірге қуанады.

Еліміздің коммуналдық-тұрмыстық көмірге деген сұранысының 30% дейін қамтамасыз етіп отырған «Шұбаркөл көмір» АҚ-ның мұндай жоғары өндірістік көрсеткіштерге жетуі – жай ғана сәйкестік емес.

ERG Көмір дивизионының басшысы, «Шұбаркөл көмір» АҚ бас директоры Сергей Ким компания жетістігінің басты құндылығы – оның қызметкерлері екенін атап өтті:

 – Біз әрдайым алға қойған жоспарларға сенімді жетіп, сонымен қоса жаңа биіктерді де бағындырып келеміз. Мұның бәрі – шұбаркөлдіктердің кәсіби әрі бірлесе отырып жасаған жұмысының нәтижесі. Биыл – кәсіпорын 40 жылдық мерей тойын атап өтеді. 728 мың тонна көмір мен 750 мың текше метр аршылым – бұл компанияның мерейтойына лайықты тарту.

Кәсіпорынның технологиялық паркі заманауи тау-кен көлік техникасымен толық жабдықталған және жүйелі түрде жаңартылып отырады. Инвестициялық бағдарлама аясында биыл жаңа техникалардың жеткізілуі күтілуде: көмір мен аршу жыныстарын тасымалдау үшін жүккөтерімділігі – 90 тонналық 9 KOMATSU HD785-7 автосамосвалы, сондай-ақ жүккөтерімділігі 185 тонналық 3 Hitachi EH-3500 AC3 самосвалы.

«Шұбаркөл көмір» АҚ мен ERG тұтынушылар алдындағы міндеттемелерін тұрақты орындау үшін бар күш-жігерін салуда.

Шұбаркөл кенішінің еңбек ұжымы болашаққа сеніммен қарайды. Кен орнының қоры жаңа рекордтарға жетуге мүмкіндік береді. Оның үстіне, мұндай бірегей, жоғары калориялы әрі күлсіз көмір әрдайым сұранысқа ие.