aikyn.kz 24.05.25 – Шеберлік шыңына барар жол

ERG компаниясы жастардың білім алуына, кәсіби дамуына және кәсіпкерлік қабілеттерін арттыруға айрықша басымдық беретін таңдаулылардың бірінен саналады

Елімізде металлургия және тау-кен өндірісінің инновациялық дамуы мен сала мамандарының кә­сіби біліктілігін арттыру, іштегі мамандарды оқыту жүйесін жетіл­діру, жұмысшы мамандарды қол­дау бағытында тиімді бастамаларды жүзеге асырып келеді. Бұл баста­малар еңбек нарығындағы бәсеке­ге қабілетті мамандарды даярлауға, сондай-ақ саланың тұрақты да­муы­на негіз болуда. Бүгінде ком­пания басқа да кәсіпорындарға өзінің озық тәжірибелерін ұсына отырып, қанаттаса даму үлгісін қалыптастырып үлгерді. Аймақ­тар­да 60 мыңнан астам адамды еңбекпен қамтыған ең ірі жұмыс берушілердің бірі ретінде танымал. Өндіріске жұмысшы мамандарды тартуда да тың идеяларымен ерек­ше­ленеді.

Биыл Топ алғаш рет ERG Skills байқауындағы колледждердің үз­дік студенттеріне арнайы сертифи­кат­тар табыстай бастады. Осы сер­тификатты алған таңдаулы сту­дент­тер бірінші кезекте ком­пан­ия­ға жұмысқа орналасады. Бұл – талантты жастарды қолдау мен кәсіби біліктілік жолын ашу­дың нақты әрі алғашқы қадамы. Қазірдің өзінде «Қазхром» ТҰК» АҚ басшылығының бастамасымен үздік тәжірибелік дағдылары мен шеберлігін көрсеткен колледждің 8 студенті Дөң тау-кен байыту ком­бинатына жұмысқа шақыру сертификатын алды. 

ERG Skills кәсіби шеберлік байқауы биыл Павлодар, Қостанай мен Ақтөбе облыстарында өтіп, кіл мықтылар бақ сынады. Жұмыс­шы мамандардың мәртебесін арт­тырып, еңбек адамының қадір-қасиетін ұғындыру мақсатында ұйымдастырылған бұл шеберлік сайысы, қоғамда еңбекке деген құр­метті арттыруға және жастарды кәсіби мамандыққа баулуға арнал­ған маңызды шара. Байқау халық­аралық WorldSkills стандарттарына сай өткізіледі. Бұл өз кезегінде мамандарды іріктеу мен бағалау­дың сапасын жоғарылатуға жасал­ған мүмкіндік. Қойылатын талап­тардың жоғары болуы қа­ты­су­шы­лардың тек өз саласындағы шеберліктерін көрсету ғана емес, сондай-ақ, заманауи техноло­гия­лар мен әдістерді меңгеру арқылы жаһандық еңбек нарығына бейім­делуіне бағдар береді. Мұндай байқаулар ел экономикасының негізгі салаларында кәсіби білікті­лікті арттыруға, жаңа идеялар мен и­нновацияларды енгізуге ықпал етеді.

Мемлекет басшысы Қасым-Жомарт Тоқаев 2025 жылды «Жұ­мысшы мамандықтар жылы» деп жариялай отырып: «Биыл – «Жұ­мыс­шы мамандықтар жылы». Осы­ған орай, маңызды іс-шаралар мен жобалар жүзеге асырылмақ. Еңбек адамының абырой-беделін арттыру үшін нақты жұмыс жүр­гізіледі. Техникалық және кәсіптік білім беру жүйесін түбегейлі жаң­ғырту ісін бастау керек. Жауапты мекеменің бәрі және ең бастысы, жеке сектор бұл іске белсене ара­ласу­ға тиіс», деп атап өткен еді.

ERG компаниясы халықара­лық WorldSkills стандарты не­гі­зінде ERG Skills байқауын ұйым­дастыру арқылы Президент тап­сыр­масының жүзеге асуына үлес қосып отыр. Үш жыл қатарынан өткізіліп келе жатқан байқау нәти­же­сінде кәсіби білікті жұмысшы мамандар эталоны қалыптасты.

Ең бірінші байқау небары үш құзіретті қамтыса, екінші сайыста бес бағыттың мықтылары анық­талған болатын. Ал үшінші жолы – 12 кәсіптің мықтылары білім жарыстырды. Байқауға қатысушылар саны жылдан жылға көбейе түскен. Алғаш 30 маман бақ сынаса, биыл 200-ге тарта адам­нан өтініш түсіп, оның 114-і байқауға қатысты. Биылғы бай­қау­дың бір ерекшелігі – тау-кен металлургия саласындағы марк­шей­дер­лік пен геодезия, тау-кен ісі, пайдалы қазбаларды байыту мен қалыптау істері тұңғыш рет сын­ға қосылды. WorldSkills ұлттық  чем­пионатында жоқ бұл санаттар сайыс арқылы тәжірибе байытып, саланың дамыуында сұранысқа ие кадрлар дайындауға тың серпін береді.

Білім мен дағды ұштасып...

Сонымен қатар ERG Skills кәсіби шеберлік байқауы ERG тә­жірибесіне қызығушылық тан­ыт­қан басқа кәсіпорындардың өкіл­дерімен ынтымақтаса жұмыс істеуде білімнен – білікке, теория­дан – тәжірибеге апаратын бірден бір алаң. 

Былтыр байқауда жеңімпаз атанған Дөң тау-кен байыту ком­бинатының түлектері шыңдалған практикалық дағдыларының ар­қа­сында ERG-ті халықаралық аре­нада лайықты деңгейде көр-

сет­іп жүр. Олар Қытайдағы беделді байқауда жүлделі орындарға ие болса, биыл да халықаралық арен­а-

­да өз құзыреттіліктерін қорғай­тын жаңа жұлдыздар қатарынан көрін­ді. Кәсіби өсуде барлық кадр­ларға тең мүмкіндік берілген­діктен, жыл санап байқауға қа­тысу­шылар қатары кәсіби білікті қыз­дармен де толығуда.

Жеңімпаздардың арасында ERG кәсіпорындарының жас қыз­меткерлері де бар. Олар: «еңбекті қорғау» құзыреттілігі бойынша үз­дік атанған – Елизавета Скрып­ник, «химиялық талдау зертхана­сы» – Еламан Марат, «тау-кен ісі» – Марғұлан Үмбаев, «марк­шей­дерлік іс және геодезия» –     Ера­сыл Қадіржанов, бұлар Дөң тау-кен байыту комбинатының қызметкерлері. Ал «токарлық іс» санатында Ақтөбе ферроқорытпа зауытынан келген Жиренше Абдр­ах­манов жеңіске жетті.

– Мен Ақтөбе ферроқорытпа зауытында төрт жылдан бері жұ­мыс істеймін. Зауытта маңызды тәжі­ри­белік база алдым. Мен оқып жүргенде бізде қазіргі заман­ғы станоктар болған жоқ. Бірнеше жыл ішінде жабдықтар жаңартыл­ып, заманауи құралдар пайда бол­ды. Әрине, жеңісім үшін қуаны­шым­да шек жоқ, – дейді Жиренше Абдрахманов.

Халықаралық даңқ пен бедел

 ERG Корпоративтік білім беру ба­ғытында жұмыс істеп жүрген құры­л­ымдар арасындағы өзара серік­тестікті нығайтуды көздейді. Осы мақсатта компанияның ұйым­дастыруымен Астанада елдегі тау-кен металлургия (ТКМ) саласын­дағы Корпоративтік универ­си­тет­тердің басын қосқан кең фор­мат­тағы халықаралық кездесу өтті.

Форум Азия аумағындағы EFMD-ге мүше корпоративтік уни­верситеттер мен білім беру құрылымдары, персоналды оқыту саласында еңбек ететін білім беру мекемелері мен қауымдастықтар арасында  Қазақстандағы алғашқы тәжірибе алмасу алаңына айнал­ды. Жиынның халықаралық сипат алуы компания жанынан 2023 жылы құрылған Корпоративтік университетінің даңқымен де байлан­ысты екені белгілі. Атап айтсақ, компанияның бизнесті трансформациялау бағдарламасы аясында алғаш Корпоративтік уни­верситет 2023 жылдың маусым айында әлемнің 88 елінде 890 мүшесі бар халықаралық (EFMD) «Еуропалық менеджментті дамыту қоры» қауымдастығына мүше болды. Сондай-ақ, 2024 жылы Лондонда өткен EFMD Excellence in Practice Awards байқауында «Кә­сіби білім беру» аталымында жеңіс­ке жетіп, халықаралық дең­гейде мойындалды. Бүгінгі күні университет Қазақстандағы негізгі қалаларда 10 фронт-кеңсе, 5 ака­де­мия және 35 факультетті бірік­тіреді.

EFMD корпоративтік сервис­терінің директоры доктор Мартин Мерленің форумға қатысуы ERG халықаралық беделін асқақтата түсті. Жиында доктор Мартин Мер­ле EFMD-дің жаһандық желісі туралы айта келіп, ERG-дің бастамасы елімізде ғана емес, бү­кіл Орталық Азия аумағында кор­пор­ативтік оқытуды жаңа сапаға көтеруге мүмкіндік беретініне тоқталды.

– Біз EFMD қауымдастығында корпоративтік оқытуды дамыту ар­қылы компаниялардың тиім­ділігін арттыра алатынымызды сан мәрте дәлелдедік. ERG-дің бұл бастамасы – аймақ үшін маңызды сер­піліс, – деді доктор Мерле.

ERG-дің Корпоративтік уни­верситеті білім беру барысында өз­ге де корпоративтік оқыту орта­л­ықтарының тәжірибесін сыни тұрғыдан зерделей отырып, өзінің де кәсіби өсуін үздіксіз өркендете алатын тұғырнама. Форум барыс­ында қатысушылар көшбасшы­лық, кәсіби білім беру мен персон­алды дамыту мәселерін кеңінен талқылап, халықаралық қауымдас­тық мойындаған озық кейстермен танысты.

– ERG-дің корпоративтік уни­верситтеті – біздің Топты дамыту­дың стратегиялық құралы. Біз тек адамдарды дамыту арқылы ком­пания алға ілгерілей түсеріне сенімді болғандықтан, адамдары­мыздың дамуына тұрақты инвес­ти­ция құйып келеміз. Соңғы 2 жыл­да корпоративтік университет біздің 54 мыңнан астам қызмет­кері­мізді оқытып, симуляторлар мен VR-дан бастап, озық техноло­гиялар мен халықаралық тұғырна­маларды енгізіп, жаһандық дең­гейде мойындалды. EFMD Ex­cel­len­ce in Practice Awards 2024 байқауындағы жеңіс пен EFMD LIFT 2025 сертификатына ие бол­уы­мыз білім беру сапасы, бизнес­ке қажетті шешімдерді табу мен оның пайдасы – біздің өз саламыз бойын­ша үздік болуға деген тал­пын­ысымыз бен қолға алған жүйе­лі жұмыстың жемісі, – деді ERG-дің Қазақстандағы бас директоры Серік Шахажанов.

Қазірдің өзінде ERG ұсынған Корпоративтік оқыту орталығы өзге компаниялар үшін де қолжетімді. Топ бастама негізінде бүгінде алты алты тау-кен металлургия кәсіпорнында зерттеу жүргізіліп, ортақ сараптама мен бенчмарк база қалыптасып жатыр. Биылдан бастап бұл үрдіс кеңейіп, кәсіби қауымдастық қолдауымен ауқымды жобаға айналмақ.

дереккөзі